जनकपुरधाम । जनकपुरधामबाट हराएका एक जना बच्चालाई फेला पारी प्रहरीले अभिभावकको जिम्मा लगाएको छ ।
जनकपुरधाम उप–महानगरपालिका वडा नं. १७ कनकपट्टी घर भई हाल जनकपुरधामकै वडा नं. १ वकिल टोल डेरा गरी बस्ने राम भरोस पासवानका ३ बर्षीया छोरा आयुष पासवान बुधबार दिउँसो हराएका थिए । खेल्दा खेल्दै बालक हराएको सूचना पाएपछि खटिएको प्रहरीले ती बालकलाई जनकपुरधाम उप–माहनगरपालिका वडा नं. २ भानुचोकबाट फेला पारेको हो ।
फेला परेका बालकलाई आमा काजल पासवानको जिम्मा लगाइएको प्रहरीले जनाएको छ ।