मधेश : जसपा संसदीय दलका नेताका लागि मुख्यमन्त्री राउत र निवर्तमान सभामुख यादवको उम्मेदवारी

 

जनकपुरधाम । जनता समाजवादी पार्टी (जसपा) मधेश प्रदेशमा संसदीय दलका लागि मुख्यमन्त्री लालबाबु राउत र निवर्तमान सभामुख सरोज कुमार यादवले उम्मेदवारी दर्ता गराएका छन् ।

जनकपुरधामस्थित जसपा पार्टी कार्यालय पुगेर मुख्यमन्त्री राउत र निवर्तमान सभामुख यादवले दलका नेताका लागि उम्मेदवारी दर्ता गराएका हुन् । दलका नेताका लागि दुई जनाको मात्र उम्मेदवारी परेको निर्वाचन समितिका संयोजक लालकिशोर साहले बताए ।

दलका नेताका अर्का आकांक्षी साँसद रामअशिष यादवले उम्मेदवारी नै दर्ता गराएनन् । स्रोतका अुनसार उनले निवर्तमान सभामुख यादवलाई समर्थन गरेका हुन् ।

मधेश प्रदेशमा जसपाको १६ साँसद छन् । दलका नेता बन्नेले मुख्यमन्त्री बन्ने अवसर पाउने छन् । सत्तारुढ दलहरुबीच मधेश प्रदेशमा पहिलो चरणमा जसपालाई मुख्यमन्त्री दिने सहमती भइसकेको छ ।

प्रकाशित चुनावी तालिका अनुसार आज साँझ ५ बजेबाट ६ बजेसम्म मतदान हुनेछ ।